百變天后Lady GaGa與「同撈同煲」經理人Troy Carter拍住打拚多年，但二人日前竟因「毒品」反目成仇！GaGa還拒絕再聽從Troy建議，決定從此各走各路！

有報道指Lady GaGa與合作已久的經理人Troy Carter因創作靈感上存有分歧導致反目成仇。雖然Troy自GaGa事業剛起步時已「拍住上」，但卻未有參與即將推出新碟《ARTPOP》的廣告製作，GaGa亦拒絕接受他的建議和指示。直至日前的《YouTube Music Awards》上，GaGa因堅持演唱一首與毒品有關的新歌《Dope》而與Troy關係加劇惡化，但亦有指GaGa拒絕推出某些可能成為大熱的新歌作為細碟，未知「反面」是否與細碟銷量有關。

GaGa的新碟雖於下周才推出，但碟內所有歌曲已在網上流出，網友更大比數投票認為新碟是她的最佳作品。

自覺唔算靚

此外，GaGa最近接受《Glamour》雜誌訪問大談其百變形象：「自己唔算靚，如果有方法可以計算美麗，我都唔知會唔會喺條公式上。但我覺得OK，我又唔係超模，我只係做音樂。我想粉絲明白我嘅感受，了解自己需要做啲乜，比起外面發生緊咩事更加重要！」