玩具大王之子蔡加讚，前晚與未婚妻汪圓圓欣賞《喜運佳．譽一鐘錶呈獻：保良星光獻愛心RoadShow LIVE羅敏莊音樂會》，快將「升呢」做人夫的加讚自爆最近勤於操弗，問是否要爆肌「搶新娘」？他笑說：「剝衫交畀我十個兄弟應付。」問到會否搞單身派對？他擰頭說：「唔啦！佢哋要就自己玩，唔好畀我知！」而主角羅敏莊（Mimi）獲囡囡陳禛及老公陳國邦撐場，最後Mimi更跟老公陳國邦黐實合唱。問到會否生多個？Mimi說：「老公有要求過，但湊一個已經好辛苦，如果生仔希望似我啦！」

一對準新人加讚及圓圓雖忙於籌備婚事，但仍抽空睇騷。

羅敏莊獲囡囡及老公現身捧場，幸福滿瀉！

另外，加讚日前在歐米茄「A Tale of Perfection」慈善晚宴中，以60萬投得韓星池珍熙親筆簽名證書的歐米茄博物館腕錶，並將款項撥捐和平發展基金會，以推動香港青少年的科學與科技發展。