DaDa早前因情緒問題辭演想演的電影《喜愛夜蒲3》，結果令許亦妮加戲份，而她拍攝期間亦是非不斷，屢次被指寸爆及遭一眾女星排擠！而最新消息則有指她曾經要穿內衣褲拍攝一場親熱床上戲，怎料她發現下體有些毛露了出來，遂叫女工作人員幫她拔毛，「拔毛事件」很快傳開並成為笑柄。

接拍《喜3》後，許亦妮不時傳出負面消息，更鬧出「拔毛事件」。（資料圖片）

DaDa早前與《喜3》演員及錢國偉（後排左二）出席電影的拜神儀式。（資料圖片）

對此，《喜3》女主角雨僑說：「有聽過呢件事，不過唔知邊個，我就快要拍一場性感戲，工作人員就同我講上一個拍親密戲嘅女仔未掹好毛，好意提我預先搞掂。」另一女演員Celia K.則對許亦妮被杯葛一事說：「多數女仔都多嘢傾，但好多時都唔見許亦妮。」

對於負面傳聞一浪接一浪，許亦妮則說：「有時我真係一頭霧水，錢導演（錢國偉）叫我一笑置之，仲話一個人蝦咁多人，講都冇人信啦！我問心無愧！尋晚都有同伍姑娘（伍詠薇）喺電話講起呢件事，前輩話笑吓就算啦，佢都好Support我。」她又否認「拔毛」事件：「黐線！梗係冇啦，咁Personal（私人）嘅嘢點會叫人做？講笑講得太過分！（嬲？）唔會，但聽到覺得好可笑囉！」