無綫小生馬國明（馬明）前晚與藝員朱千雪、黃智雯等在將軍澳飯局欣賞主演的《On Call 36 小時II》首播，首集錄得29點平均收視，最高收視31點，成績理想。問到有否信心憑新劇於香港開齋封「視帝」，馬明打定輸數：「今年係有資格爭視帝以嚟最多對手，好似吳鎮宇、張智霖、郭晉安等，入到五強都偷笑，贏就真係幸運加偷雞囉！完全冇壓力。」他又笑言想與同樣「Dry爆」沒有拍拖的朱千雪傳緋聞，隨即有人提議他飯局後送對方回家，他卻說：「唔使咁刻意，我唔信一見鍾情，要相處落做朋友先拍拖就最好，做呢行難搵女友，吳啟華、楊怡同李詩韻都話介紹女仔畀我，隨遇而安啦！」他賣花讚花香指TVB筍盤多：「好似楊怡，一日未結婚都可以選擇，拍拖唔算封盤。」

馬國明指爭視帝對手強勁，笑言入到五強都當贏。

《On Call 36 小時II》劇組約飯局睇新劇首播。

另外，對於被指成為陳智燊與宋熙年的「小三」，朱千雪急澄清：「我哋只係朋友。」又指沒有影響心情，就當作是劇集宣傳。至於劇中與袁偉豪有親熱戲的黃智雯，指男友不會詐型。