港姐亞軍黃心穎由當選至今工作不斷，日前終可遠離煩囂，與兩位姊姊到曼谷四日三夜充電，整個行程以按摩及Shopping為主，她說：「選港姐嗰陣嘅禮券就快過期，所以咪益吓兩個家姐，我哋仲係第一次姊妹遊，豪使咗接近成萬蚊！今年都冇抖過，當獎勵自己。」雖然穿起比堅尼到泳池暢泳，可惜心穎未有艷遇，反而遇上「跟蹤狂」！她笑說：「其實沿路都有人認得我，有個仲留言話喺澳洲機場見過，真係好有緣，我咪笑佢係咪跟蹤我。」她自爆此行原本打算絕食，結果事與願違，四日食足五個杧果糯米飯，又專誠再去選美時常去的Food Court重溫一番：「回想呢年真係發生好多事，轉變好大好感慨，但我從來冇後悔過參選，因為咁先令我人生大開眼界。」

黃心穎游水時盡騷身材，但竟然冇仔搭訕！

黃心穎首度與兩位姊姊旅行「充電」，豪花近萬元！

黃心穎按圖索食，收穫豐富。