囝囝片車張繼聰追到氣咳

張繼聰昨日任《Tissot Alleycat Race野貓單車賽》 起步禮嘉賓，同場還有DJ Donald。談到日前的「熄電視」行動，阿聰坦言沒有響應：「大家都覺得政府交代唔清楚，我支持有多幾個電視台，但唔應該將矛頭指向TVB，唔應該用太極端嘅方法。」此外，阿聰表示日前教兒子張瞻踩單車：「依家仲要用輔助轆，但佢好有車手天分，一上車就猛踩，我喺後面跑，追到氣咳！」又稱太太謝安琪早年生BB後，有陪她踩單車瘦身。