「長腳蟹」呂慧儀老公黃文迪（Dickson）日前在Instagram上載一張與搽黑色指甲油的女人拖手相，惹來偷食疑雲，其後有傳黑甲女是模特兒傅嘉莉（Kelly）！昨日Kelly與Dickson出席慈善跑，Dickson澄清該相片只是從網上下載：「我只係諗住晒恩愛，真係晒出個禍！（有冇同太太解釋？）有，佢話知，只係整鬼我，搞到大家咁緊張添！（有冇氹番佢？）我成日都氹佢，佢仲話自己傻，認錯我隻手。」又否認老婆是呷醋太太：「我成日同靚女做嘢，佢對自己好有信心。（佢知唔知你同Kelly出席活動？）唔知，我一陣報定案先。」剛比賽完的他更搞笑地大呼：「我真係好愛蟹公主（呂慧儀）！」

Kelly和Dickson大方合照，還搞笑地舉起涉案兇「手」。

至於Kelly亦澄清不是黑甲女：「就算呢個世界冇晒男人，我都唔會揀好朋友嘅老公！」又表示未有致電呂慧儀解釋，因為感情事第三者不方便給意見，問到Dickson有否向她道歉？她說：「冇，佢都唔係有心！」又解釋可能是早前與Dickson出席活動時搽了黑色指甲油，才引來誤會，故昨日刻意搽了紅色指甲油。