陳慧琳（Kelly）接受黎芷珊主持的節目《最佳女主角》訪問，道出當年人工受孕下成功懷有女孖胎五個月，卻不幸小產一事。她憶起往事即傷心地說：「當時沖緊涼突然好多水流出，醫生叫我第二日檢查。原來我胎水穿咗要入院上床瞓唔畀佢出嚟，要由廿幾周等到三十周期。」此時Kelly已淚如雨下：「捱吓一日又一日，但我感覺到好痛，一瞓就扎醒，原來下面開緊。痛咗幾日醫生再檢查發現已經流血，原來下面開晒。」問到花了多少時間才走出陰霾？Kelly說：「好彩生過一次（蝦餃仔），有信心再嚟一次。如果第一次就流產，相信我唔敢再生。」至於為何選擇人工受孕，她說：「心急，冇咁辛苦，搞咁耐都冇消息，想四十歲前搞晒。年紀大，頻密啲先有一個，不如搵醫生保證係隻靚蛋。」