蕭正楠與緋聞女友何傲芝昨晚出席活動時大方合照，新聞不及另一男主角展鵬多的蕭正楠獲女友力撐即冧爆。而早前傳緋聞的鍾嘉欣及陳展鵬不時密密斟，期間展鵬更將她抱起！

陳展鵬與緋聞女友鍾嘉欣（左）及貝安琪翹手合照。

蕭正楠與緋聞女友何傲芝互笠高帽，認真Sweet！

鍾嘉欣、陳展鵬及蕭正楠等昨晚出席無綫電視劇《巨輪》大結局飯局，男主角之一的展鵬新聞不斷，相反另一男主角蕭正楠則甚少新聞，其緋聞女友何傲芝昨晚恰巧在場擔任司儀，期間蕭正楠被指新聞不及展鵬多時，他坦言由於事業心重，故新聞少比較好。何傲芝即為男友挽回面子：「邊個都好，男士事業心重係好事！」而蕭正楠獲悉緋聞女友讚賞時，即時冧爆：「佢都冇指名道姓，都開心嘅！」其後又不時互笠高帽，他大讚女友又靚又出色。問到感情是否昇華？他尷尬地說：「係好Friend。」蕭正楠因拍此劇而擔任餅店代言人，何傲芝竟當正有份拍此劇：「我哋拍咗呢個劇有好多餅食，唯獨未試過薑餅，都唔知係咪收埋晒！」記者問蕭正楠是否訂定過大禮餅時，他笑說：「冇人攞薑餅過大禮，坐月就諗過送薑餅，你生嗰陣送畀你啦！」

強調鍾意女生

而陳展鵬與緋聞女友鍾嘉欣及貝安琪於現場不避嫌翹手影相，期間又與嘉欣密密傾，談到此劇有穿崩位，展鵬透露有次換褲後忘記拉褲鏈，要導演提醒。對於「斷背」傳聞，他強調喜歡的是女生。而嘉欣指近期經常被「狗仔隊」追訪，令她不敢周圍去，失去私人生活。問到是否男友伍允龍投訴？她卻說：「都幾好呀！依家多咗時間喺屋企睇劇本，旅行都冇去。」現場演員拉票環節時，展鵬跪低問嘉欣會否嫁給他，嘉欣笑指不答應後，展鵬即時抱起她。而露背的貝安琪背後寫了「Vote Me」拉票，相當有創意。

此外，貝安琪昨日出席活動時坦言若男友茹素也會加分，提到與她傳緋聞的展鵬被指是同志，問到若是真的話，是否不能接受做男友？她說：「做朋友咪得囉！佢鍾意男仔我可以點？」