周永恒(Roy)、陳家樂和陳嘉寶等前晚現身《香港亞洲電影節》放映會,對於無綫音樂總監鄧智偉辭職,曾與他傳不和的Roy揚言事不關己,更表示若無綫娛樂台派員採訪他,他會立即打「愛回家」熱線,但娛樂台記者最終沒有訪問他。

張致恒(左起)、陳家樂和周永恒前晚一同出席首映會。

問到會否重返無綫,Roy表示不會吃回頭草:「無綫易咗主咩?唔係樂小姐唔喺度呀?余詠珊要贏到佢呀!加油!樂小姐一定唔OK我,仲好刻意『關注』我,篤我就未至於!(係咪有佢一日都唔返去?)希望佢原諒我,佢都小器,我唔知自己有咩錯,啄住我幾年,如果佢肯,我公開同佢講對唔住,唔好追殺我!」談到樂易玲表示沒有內部黑名單,Roy揚言歡迎對方來電,他亦希望重返無綫。

而英皇藝人陳家樂則表示與香港電視簽約兩年,至明年4月才約滿,如今剩下10多個騷:「發牌事件前,佢哋仲叫我拍飲食節目,結果未答應就發生事,都唔開心!(英皇同無綫關係好,怕唔怕身份尷尬?)唔會,我支持良性競爭。」