許靖韻(Angela)、張惠雅(Regen)、陳明恩、周美欣及一眾樂壇新人昨日以嘩鬼造型出席《新城勁爆頒獎禮2013》的《新城熱捧新星2013》大檢閱,身穿吊帶喱士短裙的Angela成功突圍而出,她表示稍後亦可能轉行性感路線:「其實之前我都試過着Bikini拍戲,睇吓觀眾最想睇我騷咩,如果我有本錢嘅都唔介意騷吓!」

許靖韻(左起)、Regen、陳明恩及周美欣齊齊以嘩鬼造型出席活動。

As One悉心打扮出席活動,不忘大晒長腿。

而手執玫瑰的Regen大嘆多爛桃花:「朋友幫我算過話我30歲先有真桃花,仲要等多5年!」她又指正為微電影寫劇本,公司想安排比她細5年的師弟擔任男主角,但她笑言不太能接受姊弟戀:「我鍾意成熟型多啲!(好似唱片公司太子薛世恒咁?)佢又熟得滯喇!」