過去每次傳出有關栢芝的傳聞時，霆鋒回應時均力撐到底，處處維護，惟今次被問及囝囝返學問題，則似乎有所保留！

霆鋒與栢芝離婚後，不時齊齊湊仔，對前妻亦處處維護。

出口術

2011年12月，有指「鋒芝」復合，霆鋒當時對傳聞未置可否，被記者追問時只說：「咁佢始終都係兩個仔嘅媽咪，點都會見，我就係會講咁多。」

發聲明

上月中，有報道指霆鋒每月向栢芝提供7位數字生活費，栢芝經理人即澄清指二人離婚近兩年，栢芝從未收過贍養費，而霆鋒亦為此透過律師發聲明指報道失實，並保留法律追究權利。

還清白

上月初，謝婷婷表示未有栢芝電話，惹來栢芝粉絲在網上圍插謝家，霆鋒出言維護栢芝：「我一直都有同栢芝聯絡，但其他人唔知情，家人、細妹都唔知情。大家問佢哋，但其實佢都唔知情，所以希望大家唔好令我家人同細妹難堪！」