無綫藝人黃智賢（Ben）及陳敏之日前為新劇拍落水戲時意外頻生，先有開快艇的阿Ben差點夾死敏之的男替身，後來救敏之上岸時又令她撞傷頭部！幸好全是虛驚一場。另外，「仔仔」周渝民和楊千嬅也在西貢拍落水戲。

黃智賢親自揸快艇泊岸，不但差點撞到另一艘船，還險些夾到陳敏之的男替身，嚇得站在一旁的敏之大嗌「怕怕」！

黃智賢

攬着水泡的楊千嬅與仔仔在西貢拍落水戲，一臉狼狽。

黃智賢和陳敏之日前現身西貢早禾坑，為新劇《點金勝手》拍攝緝捕行動的戲份，豈料意外頻生！親自揸快艇泊岸的阿Ben，不小心撞到另一艘船，還險些夾到敏之的男替身，敏之見狀即驚呼：「嚇死我呀！謀殺呀！」她又搞笑地說：「呢場戲我唔拍喇！尿都標埋出嚟！」事後，阿Ben表示當時有兩秒不懂反應：「本身我唔驚，但敏之一嗌就驚，其實泊船嗰陣一停船就有水流，先會令隻船漂咗埋去。」他強調沒有撞花船隻，因船邊有水泡保護，故船主未有「詐型」。

其後，二人在海中心拍另一場戲，當阿Ben拉敏之上水時，敏之的頭部不慎撞到船邊，上岸後敏之笑說：「我覺得聰明咗，好閒啫！我成日都整親。（畀阿Ben嚇親？）係呀，佢撞親我個替身點算？我一Roll機就好神勇，不過鏡頭以外都係做番自己。」

千攬水泡嗌「死」

另一邊廂，「仔仔」周渝民及楊千嬅也在西貢拍杜琪峯新片，劇情講述千嬅抱着水泡向仔仔大叫：「死啦死啦！」片中更加入2008年預測歐洲國家盃賽果的「章魚保羅」橋段，二人搞笑地在海中與章魚聊天，仔仔大叫：「我哋仲要睇球賽！巴塞對皇馬！」千嬅則說：「我要C朗呀！」上水後，二人急急用毛巾擦身，千嬅更將頭包實。此外，千嬅在《最佳女主角》中大談老公丁子高對她的鼓勵及包容，及與兒子Torres相處的趣事。