女星鍾楚紅（紅姑）昨日出席餐廳開幕活動，與主廚一同炮製沙律。對於成龍的「海嘯言論」，她聞言亦大感愕然：「唔係呀嘛？我覺得唔好下結論，政治唔好同天災掛鈎。」她又透露早前到法國旅行，因行程緊密沒有艷遇：「留番同型男拍戲。（復出？）仲未遇到啱嘅劇本。（郭富城想同你合作？）仲有張智霖、鄭嘉穎同余文樂都型！（揀邊個？）全部要晒。」

紅姑表示遇到啱嘅劇本會復出，影迷有福喇！

冼國林認為未必人人接受到成龍的表達方式。

此外，國藝影視老闆冼國林昨日宣傳亞視新劇時，提到成龍的「海嘯言論」，他說：「每個人都有自己嘅諗法，成龍覺得香港人太幸福，未必知道上一代嘅人好辛苦，同埋佢嘅表達方式都唔係人人可以接受到。」而曾志偉對此則表示：「佢係咁，聽嘢又唔識得消化，但佢份人心地善良，只係表達能力差啲！」