歌手蔡卓妍（阿Sa）前晚出席時裝活動時雙眼通紅，原來其愛犬要入院，前一晚她徹夜陪伴愛犬瞓廳致冇覺好瞓：「今年佢入咗院幾次。（動物都咁擔心，將來有BB點算？）都有諗過有仔女咁點？今日做嘢都係咁打番去醫院問，仲差啲同媽咪鬧交。（將來會係緊張媽咪？）都係，要調節心態先。（怪獸家長？）嗰方面唔會。」

事業心重的阿Sa揚言40歲才會生B做媽媽。

下月31歲生日的阿Sa表示與男友陳偉霆正值拚搏期，暫無生育計劃，預告40歲才生B，問到會否未婚懷孕？她說：「要一步一步嚟，但如果真係有，係上天賜嘅禮物。」並指生日未有慶祝活動，若工作要看酬勞。提到何哲圖出任新成立的附屬公司「星夢娛樂有限公司」的行政總裁，阿Sa認為一個節目可以成就一班人的夢想，現在多了機會，並不擔心機會被分薄。

同場的黎明愛將李治廷被問及緋聞女友范冰冰早前收神秘鑽戒一事，他澄清沒有送，要送都會送歌，但透露會飛往北京見冰冰，問到會否與冰冰另一緋聞男友經理人穆曉光拗手瓜？他認為戀愛並非競賽，不是鬥輸贏，要看緣分。