曾有人說過扮靚是女人的終生事業，上屆港姐亞軍黃心穎大表認同，樣子Sweet到爆的心穎，近日成為新一代宅男女神！不過，心穎深明「唔Keep容易老」的道理，雖然平日懶得在家敷面膜，但每隔兩星期便會到美容院做Facial，而且心穎最強的幕後軍師，就是做中醫的爸爸：「佢係我私人美容師，有時皮膚敏感、痕或者水腫等，佢都會煲唔同嘅湯畀我飲，我最鍾意飲羅漢果湯同埋紅青蘿蔔湯，出面飲唔到佢煲嘅味o架！」有爸爸的愛心靚湯，難怪她時刻都能保刻靚樣。

爸爸的愛心湯水及健康粟米片都是心穎的護膚法寶。

除了黃爸爸的私家湯水，心穎另一Keep Fit法寶是超健康的粟米片：「我好鍾意食Cereal（粟米片），鍾意到可以一日三餐都食，每次食親Cereal都係我最開心嘅時候！」