外表硬朗的Kellyjackie原來是膽小鬼一名！萬聖節將至，擔心被嚇的Kellyjackie先下手為強，名副其實扮「鬼」臉嚇番人，她坦言自己是超級膽小鬼：「我從來唔睇恐怖片，唔玩鬼屋，連學校搞嘅鬼屋我都唔敢玩！以前荔園有間鬼屋，後面有條火車軌，我每次只係經過間鬼屋都驚到不得了！」不過今年她希望突破自己：「有外國嚟嘅朋友好想玩主題公園啲鬼屋，感受香港嘅Halloween氣氛，我仲忐忑緊去唔去好，因為勁驚太黑嘅地方！」

為咗唔被嚇親，Kellyjackie先發制人扮咗鬼先！

自認細膽的Kellyjackie扮驚冇難度！

呢隻「鬥雞鬼」咁Cute，邊嚇到人呀？

她笑言自己最大膽的一次都只是扮中國娃娃：「我細個試過着旗袍紮晒髻，拎住個南瓜問人Trick or Treat。不過係可愛造型嚟，都係想拎多啲糖啫，唔係嚇人！我想搵年同朋友扮吓鬼，去蘭桂坊又驚畀人嚇親，佢哋好揼本，造型又逼真，我呢啲小本經營都係去朋友屋企玩好喇！」