元老級歌手葉振棠最近推出靚聲Hi-Fi碟，他表示難得找到志同道合的老闆，明知不能賺錢仍願意幫助出碟，總算完成其心願！棠哥歌唱生涯中推出逾40張專輯，他透露平日出碟由籌備至完成，大概只需三個月，但今次卻花了一年時間，全因想挑戰混音：「唱同平時冇分別，但今次第一次做混音，首主打歌混音都用咗成個月。」

葉振棠到廣州舉行聚會，與歌迷分享靚聲大碟。

他又分享兩首新歌：「《這首歌》係楊紹鴻特登為我寫，佢話係我唱歌生涯嘅寫照，講我嘅唱歌歷程。另一首叫《做人要輕鬆》，我想用呢首歌多謝歌迷。」此外，他又翻唱了其他歌手的經典歌曲，包括經重新編曲，黃霑的《滄海一聲笑》、梅艷芳的《抱緊眼前人》及張學友的《一顆不變心》。另外，棠哥早前專程遠赴廣州舉行鑑聽聚會，即場以價值逾百萬元的Hi-Fi播放新碟 ，並與樂迷分享錄音心得。