藝人張建聲（Justin）日前以全黑西裝配All Back金髮上陣，Chok爆出席電影《溝女不離3兄弟》首映，落足心機打扮的他說：「知Dress Code嗰陣我喺泰國，驚整唔切個頭，所以喺嗰邊染咗一次先，之後再返嚟畀髮型師搞。」雖然型爆全場，但他自嘲扮韓國偶像G-Dragon不成，反變「G-Tommy」（阮民安），認真搞笑！

張建聲以金髮Look出席首映，型爆全場！

電影《一路向西》將到泰國取景拍續集，Justin早前便自薦與劇組到泰國睇景。他表示將繼續於片中飾演宅男「向西」，並希望拍畢此片後可嘗試更多類型的角色，不再拍攝激情戲：「就算日後有好嘅劇本都要諗吓先，拍得太多啦！」