o靚模組合FFx將轉走少女跳唱組合路線，成員最近紛紛練歌及練氣裝備自己。原來她們全都對高大的男歌手情有獨鍾，活潑孖寶Crystal及Liz大讚韓星T.O.P型爆，嬌滴滴的Karen則欣賞酷男周柏豪，而身材出眾的Gladys則最愛「Chok王」林峯的胸肌！

Gladys最愛林峯的胸肌，未知她看到偶像的濕身Look時會否興奮尖叫？

Karen喜歡周柏豪感性，不只是單單喜愛偶像的外貌。

Crystal

Liz（前）及Crystal是孖公仔，選偶像的口味亦相同！

暑假曾推出寫真的o靚模組合FFx最近拓闊版圖，進軍拍攝微電影及唱歌跳舞，希望成為少女跳唱組合。成員甘翠華（Gladys）、林佩瑜（Crystal）、陳安兒（Liz）及葉梓嵐（Karen）分享喜愛的偶像，原來四女都愛有型有款的潮男歌手！

Gladys透露最愛「Chok王」林峯，擁D Cup上圍的她笑指被對方的震盪胸肌迷倒：「我細個鍾意黎明，但大個口味轉咗。有次睇林峯演唱會，睇到我好High！（鍾意佢Chok樣？）唔係呀！覺得佢跳舞好正，鍾意佢胸肌喺度震，令我好興奮，我本身都鍾意大隻仔！」女星方面，Gladys則欣賞蔡依林，不論對方是A Cup上圍還是「G奶」都一樣喜歡，她說：「我欣賞佢積極學英文同埋練體操，覺得佢有鬥志。」

愛周柏豪感性講情義

孖公仔Crystal及Liz連揀偶像的品味亦相同，兩人異口同聲地表示最愛韓國男團Big Bang成員T.O.P，Liz說：「我本身好留意日韓潮流，最鍾意係T.O.P，佢高大得嚟又識Rap！」Crystal則大讚T.O.P的身形及粗眉均非常煞食。至於細細粒的Karen則選擇高大型男周柏豪，但有別於時下少女只愛偶像的外貌，她說：「知道佢默默耕耘有自己嘅創作，仲好珍惜朋友。有次睇佢個騷，佢專登請患癌嘅朋友嚟，覺得好感性同有情義！」