蕊蕊日前為新歌拍攝MV時大騷「事業線」，在鏡頭前又唱又跳，「Big」波蕩漾，更跳到成身濕晒，急急換Bra再跳過。而與男友金剛打得火熱的她表示，行性感不需要請示，因只是工作需要。

身穿吊帶短裙的蕊蕊，大騷事業線，令宅男大飽眼福！

曾學韓文的蕊蕊，將韓國元素加入新歌中，非常有創意。

蕊蕊坦言性感上陣，不用「請示」男友金剛。

歌手蕊蕊近日為配合未來新碟風格轉行性感，日前為新歌《戀愛觀光禮》拍MV的她，身穿吊帶短裙兼宅男至愛的黑絲，在鏡頭面前又唱又跳八粒鐘，大騷三吋「事業線」，並擺出多個性感甫士，更跳到身水身汗，要急急換Bra再跳過。問到有否做足安全措施？她說：「我黐晒膠紙同檢查好，唔驚走光o架！仲有片場太熱兼有好多燈光射住我，所以除咗要不時補妝外，仲跳到成個人濕晒，好彩有帶多套內衣嚟換，如果唔係都唔知點算。」

新歌加入韓國元素

曾學過韓文的蕊蕊，今次也有將韓風元素放入新歌當中，其中副歌以韓文「今晚我是你的夢」唱出，亦是由她親自創作：「首歌係講挑逗，好似將呢句唱畀你心儀嘅對象聽咁。（唱畀金剛聽？）我係唱畀大家聽，唔止佢一個嘅！（你咁性感，佢知唔知？）佢當然知道，不過佢知道係工作上需要，平時我哋出街我都唔會着得咁性感嘅！」