出櫃歌手吳彤（Denis）早前參加藝術活動，嘗試將書碎成紙條再織成不同的藝術品。Denis自言自小喜歡畫畫，中學時更偷畫同學，但織東西則是首次：「細個冇織過冷衫，所以覺得好特別，藝術家教咗我兩次，可能我天分唔夠高，成日畀啲針拮到，織成個鐘先織到一行。」他更自爆有意為男朋友化身「織侶」，為他織冷帽：「我諗過可以將一本寫滿我同佢嘅事嘅日記碎咗佢，織成一頂帽送畀佢，咁應該幾Sweet，織冷衫都得，不過可能我哋要拍起碼八年拖先織完畀佢。」

織織復織織，吳彤終於學識織，但製成品當然不及藝術品般美！