馮凱淇一心入行，一副戰鬥格！
樂壇新人馮凱淇（Cherry）雖然在英國碩士畢業，卻放棄做金融才女而選擇入行。醉心於唱歌、跳舞的她原來大有來頭，她曾為陳奕迅（Eason）、陳慧嫻及S.H.E成員Ella伴舞。視Eason為偶像的她更試過與偶像在慶功宴一嘗合唱滋味：「我一唱歌時，佢即刻嚇一嚇，讚我臥虎藏龍。我仲好厚面皮邀請佢合唱，最後佢揀咗首《教我如何不愛他》，最搞笑係我哋都搞錯晒歌名！」
Cherry坦言與Eason初次見面時一拍即合，皆因兩人同是「英國獅虎」：「因為大家都係獅子座、屬老虎，又喺英國留學讀書，所以好多嘢講，同埋我真係好鍾意佢啲妖艷Look，希望有機會再同佢合作！」
