徐子珊於電影《3D詭嬰》中扮演樂壇天后，與飾演音樂監製的好拍檔林峯有場水中激吻戲，身穿紅色一件頭泳衣上陣的子珊，感覺唯美，問到是否可以更性感？她即表示要視乎角色，不會為露而露：「《色，戒》咁梗係唔得！我接受唔到，又驚將來另一半抗拒。（私下拍裸照留念？）唔好喇！大肚寫真就有得諗。」她又透露與林峯女友吳千語亦有對手戲，更險被對方拉跌：「嗰場戲佢要拉住我，試嗰陣冇咩力，點知一拍就勁大力，爭啲畀佢整跌！（佢唔滿意你同林峯咀？）唔會啦！」

子珊不介意為藝術犧牲，但要視乎角色需要，不會為露而露。

雖然參演靈異電影，但子珊直言向來怕睇鬼片，接拍全因資深導演梁普智，幸好今次恐怖戲份不多。對於新人女主角盛君的演出，子珊大讚她演技熟練，並指二人同樣喜歡賽車，因此成為朋友。