馬來西亞美女鋼琴家李元玲外形標致，早前參演影帝張家輝首次執導的新片，角色性格反叛惹人厭，兼有一幕索K戲，她更要被鬼上身重演藍可兒事件，甚具挑戰性！

李元玲將於新戲挑戰演技，重演藍可兒的「撞邪事件」。

外形標致的李元玲，闖影壇後多演淑女角色，今次終拋開形象演叛逆少女。

李元玲大讚家輝給她「哥哥」的感覺，私下亦會主動與她傾偈。

來自馬來西亞的女藝人李元玲（Cathyrn）是鋼琴家李雲迪的女徒弟，在英國取得鋼琴碩士學位，出身大富之家，藝術氣質加上外貌標致，被封為「鋼琴公主」，未正式入娛樂圈已俘虜不少Fans，闖影壇後總是被安排飾演淑女，但她直言愛接受挑戰，恨演一些難度高的角色。

早前Cathyrn參演影帝張家輝首次執導的電影《盂蘭神功》，二人演兄妹有大量對手戲，Cathyrn於片中飾演一名18歲的叛逆少女，期間被中年女鬼上身而性格大變，要在電梯內做出怪異舉動，猶如華裔女學生藍可兒「撞邪事件」的翻版，她亦直言發揮機會很大：「好開心家輝揀我做呢個角色，佢覺得我少女同中年女人嘅感覺都處理到。（佢做導演惡唔惡？）做嘢時好認真，但佢好錫演員，放飯都拎住稿同我研究，其中一場最難演嘅戲，我要扮索K之後嘅神情，家輝仲親自演繹畀我睇，做咗四次！」

感覺似哥哥

早已是家輝戲迷的Cathyrn表示，最難忘仍是他超搞笑的演出：「睇過家輝好多戲，好鍾意佢夠搞笑，近年佢演技又好有深度，覺得非常全能！（跟佢學到演技？）當然，仲有係未拍前嘅準備工夫，佢真係畀到哥哥嘅感覺我，收工佢都叫我做阿妹，會主動同我傾偈，問吓馬來西亞有咩好食、好玩嘅嘢。」