江若琳（Elanne）近年於影壇的發展相當不俗，今年初憑電影《高舉．愛》提名香港金像獎影后，近期則憑《結婚那件事》獲得第一屆新加坡金箏獎最佳女演員提名，問鼎新加坡影后！雖然Elanne最終未能獲得金像影后，但對她而言，第一次提名影后已是一個很好的鼓勵：「我從來冇諗過攞獎，能夠得到提名，已經好滿足，好感激紅姐（惠英紅），佢喺金像獎頒獎禮前夕傳短訊畀我，叫我要淡定、Keep住樣靚，佢會支持我，我睇完即刻喊咗出嚟！佢就係知道我會喊，所以唔喺頒獎禮當日傳呢個短訊！紅姐真係好好。」

江若琳雖然未能獲得金像獎獎項，但覺得有提名已十分開心。

江若琳與前輩惠英紅感情要好，並獲對方鼓勵。

由於二人感情深厚，所以當Elanne得知惠英紅憑《結婚那件事》入圍最佳女配角，亦十分高興：「我好開心，亦好希望佢能夠得獎，到時我哋又可以一齊去頒獎禮，希望可以同埋一班《結》片台前幕後好好食一餐。」