男模出身的馬志威（Edward）今年闖影壇，便成功擔正電影《第一次不是你》，與無綫小花蔣家旻發展一段淒美愛情故事。現年28歲的Edward分別飾演17歲及27歲的角色，「扮後生」時戴上眼鏡，他笑言與當年的「薯樣」差不多：「個造型感覺又傻氣又懵，戴住大眼鏡，成個電車男咁，其實我細個都係咁，冇咩錢，唔理打扮，着啲翻版名牌。至於成熟版就比較易掌握，始終近番真實年齡。」提到戀愛史，不少人以為外形俊俏的Edward經常換畫，但原來他只拍過兩次拖，可謂十分長情：「當年讀男女校，但只係鍾意做運動，冇諗拍拖，17歲先初戀，都拍咗好耐。」

馬志威自爆求學時期戴住大眼鏡，似足電車男。