藝人賈曉晨（JJ）自爆擁有多於四項物業，於投資方面勁賺！其男友樊少皇（力王）早前被傳「食軟飯」，獲JJ全包遊澳洲，他昨日打趣叫女友繼續拍劇：「環遊世界靠你呀！」

大騷四吋事業線的JJ，豪言唔止擁有四層樓。

力王竟公然叫JJ拍多啲劇，賺錢請佢遊埠！

昨日穿性感白色吊帶長裙的JJ，出席微電影系列暨個人唱片發布會，獲好友陳爽、錢國偉及其女友陳宛蔚撐場。JJ的微電影系列有兩部作品，新EP則收錄微電影的主題曲及插曲。JJ初次擔任幕後工作人員，並為這兩套微電影自編自導自演，其中一部由名模Jessica C.擔任女主角，男友力王則客串另一部作品。

親自寫劇本

提到早前有指JJ包起力王遊澳洲，全程豪飲豪食，JJ風趣地說：「如果係咁都戥佢開心，我可以養埋佢！（你好似有四層樓？）嗰啲都係投資嚟，如果計埋內地應該唔止！」力王亦笑說：「嘩！咁你嚟緊拍多啲劇啦！我哋環遊世界靠你喇！」問到微電影有多少拍攝經費？JJ表示不清楚：「本身諗住淨係拍MV，但我係演員，希望拍埋微電影。既然係我諗嘅，就親力親為寫埋個劇本囉！」提到拍攝的過程，力王說：「睇佢拍得好辛苦，覺得心痛！」又自爆曾任「J導助手」：「Jessica C.同男主角嘅親密擁抱動作係我諗出嚟o架！」