陳豪昨日與太太陳茵媺（Aimee）十指緊扣出席活動，大晒恩愛！兩人婚後首次結伴出席活動，有傳其酬勞高達50萬元？陳豪說：「唔係講錢，咁大型活動有份出席，覺得好幸運同幸福。」有傳他不想Aimee復出拍戲，他說：「我係佢粉絲，佢唔拍嘢係損失！」茵媺則表示現代女性可兼顧事業及家庭，拍戲是其夢想及動力，故不會放棄。

陳豪拖實老婆茵媺，以免嬌妻被撞倒。

此外，Aimee透露BB於食早餐時最為活躍，故現已不時進行胎教。問到經常出席活動，是否要搵奶粉錢？陳豪即搶答：「呢個責任交畀我！」茵媺透露將選擇順產，現時沒有照4D片看BB的樣貌：「想佢揀一個特別嘅時間見我哋，到時會知佢真樣同似邊個。」問到老公是不是很遷就她，陳豪又搶答：「梗係啦！（你負責煮飯？）會呀！我煮飯好叻，沖咖啡好叻！」