謝霆鋒今年4月底與父親謝賢（四哥）及妹妹婷婷到澳洲悉尼探望最疼錫的嫲嫲，據知，謝老太前晚在睡夢中逝世，享年101歲。霆鋒昨日於北京強忍悲傷繼續開工。

霆鋒與婷婷對嫲嫲疼錫有加。（資料圖片）

謝霆鋒的嫲嫲早年由加拿大移居澳洲悉尼，近年為方便有人照顧及完善醫療設備，已入住當地的療養院。據知，謝老太於香港時間前晚在睡夢中安詳離世，享年101歲，由於四哥、霆鋒及婷婷均有工作在身，未能即時飛到當地送別，三人得悉消息後，傷心不已。

出名孝順的霆鋒往日一有時間便探望嫲嫲，由於嫲嫲已年逾百歲，他去年已率先向公司申請今年4月放假，並按計劃與爸爸及妹妹於4月時飛到澳洲陪嫲嫲，估不到此行成為見嫲嫲的最後一面。其實霆鋒於6月隨老闆楊受成及天后容祖兒返內地拜祭風水師陳伯時，亦順道為嫲嫲祈求身體健康。

四哥待返港再交代

近日飛到北京與內地演員高圓圓拍電影的霆鋒，雖然痛失至親，仍堅持開工，專業地在鏡頭前交足功課，但不用埋位時，即沉默寡言坐埋一邊，導演及工作人員都不敢騷擾他。而身在墨西哥的四哥昨日接受電話訪問，他說：「唔好問咁多，依家做緊嘢，有咩等我返嚟先講。（心情如何？）要做嘢喇！唔講咁多。」至於喪禮安排？他說：「細佬會安排。」