藝人林文龍、高皓正、艾威、黃澤鋒、郭鋒、彭國樑、李忠希、劉伊靜、朱婉儀和關伊彤，昨日接受nowTV節目《娛樂審死官》主持梁思浩和Kawaii訪問，大談香港電視不獲發放免費電視牌照但未獲公布「死因」一事。林文龍不滿政府未有公開不發牌的真正原因：「總之政府唔企出嚟去講，就會令大家有好多謠言、揣測。（傳王維基司法覆核？）任何行動都只係想要個答案。溫和、理性嘅處理，唔代表接受可以繼續受欺壓同唔尊重。」他又表示會參加遊行：「唔支持我過唔到自己嗰關。如果政府透過唔交代就平息咗件事，我點教下一代。」

一眾藝人力撐港視，並表示會參加遊行。

與香港電視還有半年合約的高皓正，指事件令他感到痛心。問到會否返無綫？他說：「都未到絕境。（絕境先返？）咁我都要食飯。」將再為人父的他又表示為下一代着想，有必要出席遊行。黃澤鋒則表示與港視合約明年三月約滿，他表示現階段很苦惱：「我唔食家人都要食。」同樣明年三月約滿的艾威，自爆一直與無綫舊同事和高層食飯，問他會否返無綫，他說：「世界有咩會冇可能，咁嘅事都可以發生啦。」