已故百變天后梅艷芳（阿梅）的逾千件遺物拍賣會前日結束，405個拍賣項目中，只有4項流拍，總成交額逾530萬港元，當中林先生以60萬成功投得阿梅的11張金及白金唱片，成為全日「標王」。另一項拍賣品是阿梅的三張相片，當中包括靈堂照，最後交易價為一萬元。其他拍賣品包括多件衣物，最高價的一件旗袍以22萬成交。

阿梅開騷時曾穿着過的旗袍，以22萬元高價成交。

另外，李克勤昨日以頒獎嘉賓身份出席音樂比賽，提到阿梅的遺物被拍賣，他說：「件事唔太開心，我係局外人唔知咁多，但一張枱一張櫈都係尊嚴，仲要個歌手生前唔係冇錢！（曾志偉都有幫手競投？）依家有有心人處理，喜歡阿梅嘅人可以鬆一口氣，希望有博物館可以放呢啲獎。」而譚詠麟（阿倫）昨晚現身《星夢》決賽，提到阿梅的遺物被拍賣後四散，作為好友的他亦不禁皺眉，問到志偉出手競投，阿倫說：「好似係演藝人協會幫手，依家唔係主席唔係咁清楚。（覺得係對阿梅侮辱？）咁阿梅係傳奇人物，有機會都希望可以好似李小龍咁搞個展覽，遺物四散好可惜。」提到周啟生早前指樂壇患末期癌，阿倫說：「唔係咁意思，我會回饋社會，陣間向佢了解吓幫佢把把脈。」