林子祥兒子林德信（Alex）雖然外表冷酷，真實的他原來是個乖仔！即使多次被拍得流連蘭桂坊，他都自認「不夜蒲」和「不飲酒」，認真估你唔到！

Alex外表冷酷有型，原來私底下有平易近人的一面！

Alex經常被拍得出入蘭桂坊，原來是在附近居住。

林德信（Alex）日前接受主持俞詠文（Angela）的邀請，到《娛樂onShow》接受訪問，大談最近推出的新歌《心靜自然涼》，Alex平日予人冷酷之感，難怪Angela一聽見歌名便大讚此曲非常適合他！不過Alex卻笑指平日是「扮Cool」：「我平時係扮晒嘢，其實熟悉我嘅朋友都話我唔係好Cool！好似公司嘅Robynn & Kendy咁，我哋都合作過幾次，佢哋依家都當我係女性朋友一樣，乜都講一餐！」

除了推出新歌外，Alex最近還有份拍攝《喜愛夜蒲3》，鑑於他經常被拍得出入蘭桂坊，Angela便說：「平時都咁鍾意夜蒲，久唔久喺蘭桂坊見到你，今次你咪可以寓工作於夜蒲？」Alex聽後當堂面紅，並說：「其實我唔係成日去夜蒲，我住喺嗰度附近，咁啱行過咋，就畀人影到！」又出乎意料地表示不愛喝酒：「其實我唔飲酒，朋友叫我一齊飲，我通常都會避開！我細個喺英國讀書，當地人一出世就飲啤酒，可能我細個飲太多，大個之後唔想飲！」

製造戀愛新鮮感

Alex出道至今緋聞多多，故Angela亦不禁問：「你會唔會拍拖都係咁，好愛一個人之後就厭倦？」Alex說：「梗係唔會啦！如果我真係愛一個人嘅話，我會搵方法去增加新鮮感！」如果想認識林德信乖巧的一面，即按入《娛樂onShow》去片啦！