組合Super Girls成員Heidi早前與同學到韓國畢業旅行，期間遇上不少趣事。當眾人拉大隊焗桑拿時，竟在更衣室遭當地大嬸要求「剝光豬」，嚇得Heidi花容失色耍手拒絕並高呼：「怕醜o架嘛！」

難得到韓國旅行，Heidi當然要體驗當地文化，試穿傳統韓服！

Heidi放開肚皮大嘗當地食物！

Heidi由化妝品到鞋襪買滿一地，荷包「大出血」！

星煥力捧的女子組合Super Girls成員Heidi近日與好姊妹Cheronna拍攝無綫劇集，Heidi早前趁空檔相約同學到韓國旅行慶祝畢業，問到男友有否同行？她笑說：「都冇男朋友！」購物欲旺盛的她為免後悔，本着「鍾意就買」的宗旨，結果「大出血」而歸，她說：「真係瘋狂咁買，出晒血！」

Heidi又自爆與多位女同學到桑拿店「梳乎」時，竟遇上趣事：「大家都諗住着衫焗，點知入到更衣室，見到好多冇着衫嘅女人走嚟走去，之後有個大嬸叫我哋除衫！原來佢叫我哋除衫沖涼，之後先去焗桑拿！」思想保守的Heidi堅持不脫：「怕醜o架嘛！我未咁Open，接受唔到呀！」問到是否即刻「鬆人」？她說：「冇呀，我哋堅持着衫焗！」

盼三點式曬太陽

即將推出新專輯的Heidi未來半年都沒有假放，她說：「下次想去陽光與海灘嘅地方！（三點式曬太陽？）會呀，喺外地唔理咁多！」