藝人蕭家浩（Edmond）在新劇《寒山潛龍》中演官兵，負責緝拿疑似密謀造反的陳國邦及敖嘉年，早前曾Man爆勇擒縱火狂徒的他，演這類角色更見說服力，他說：「好多朋友睇到報道都話我有正義感，其實我細個志願已經係做警察，不過大個咗發現更加鍾意演戲同唱歌，所以入行做藝人，不過做演員都可以演警察，之前喺另一齣新劇《忠奸人》演警察，我非常鍾意！」

蕭家浩參演《猛龍特囧》時獲導演允許獻唱其創作歌曲，令他十分開心。

Edmond演戲既有Man爆一面，亦有柔情一面，早前他參演新片《猛龍特囧》獲導演胡耀輝賞識，讓他在片中發揮音樂才華，Edmond說：「喺套戲度我扮演一個表演者，仲唱出我作嘅歌曲《我太安份》。我覺得胡導演同蕭定一嘅電影特色，唔只題材大膽，起碼佢哋搵我演出之餘，仲畀埋我喺套戲度唱自己首歌，絕對係夠膽識嘅表現！」