「爆E超蓮」鍾采羲（Iris）早前「胸」降大銀幕，以側身半裸吸睛，並坦言對影圈發展信心十足，又寸嘴地表示即使曾奪電影獎項的同門師姐陳靜退出幕前亦「冇有怕」，更與對方劃清界線︰「我同佢唔熟。」

Iris處女下海拍電影，更不介意日後全裸上陣。

Iris跳入影圈拍戲搏到盡，大晒Fit爆身材色誘杜汶澤。

對於師姐DaDa退出幕前，Iris有信心能做得更好。

鍾采羲（Iris）與不少模一樣，相繼踩入影圈搵食，早前她處女下海拍攝電影，擁有E Cup逼爆身材的她雖未有與男演員激戰，但仍相當有睇頭，未有令一眾宅男失望，她笑說︰「喺戲入面我都幾性感，雖然冇床戲，但會有一幕側身半裸色誘人嘅鏡頭，係講點樣色誘整蠱杜汶澤。」單是想像已相當期待，她更直言不排除往後會在大銀幕上全裸上陣︰「都係睇劇本同題材，如果適合嘅都可以考慮。」

有信心攞獎

提到早前突然宣布退出幕前的同門師姐陳靜（DaDa）曾奪電影獎項，Iris對自己充滿信心︰「當然有信心啦！睇吓可唔可以幫公司拎到另一個獎。」問DaDa離開是否多了工作機會？她寸嘴地說︰「唔可以咁講，屬於我嘅嘢點都係我，佢嘅嘢始終係佢。」更指對公司不會有大影響︰「冇咗個DaDa，出面仲有千千萬萬個對手，佢放棄呢個機會，但出面好多人珍惜。」言語間明顯衝着DaDa而來，但她否認，並跟對方劃清界線︰「我同佢公私兩方面毫無轇轕，本身唔熟，佢係我師姐，平時冇Contact，但我尊敬佢之前咁勤力。」