麥浚龍（Juno）的首部執導電影《殭屍》，除成功邀得陳友回港演出外，更有鮑起靜、惠英紅、吳耀漢和錢小豪等實力巨星，令電影生色不少。問到如何被游說復出，陳友說：「劇本好吸引，林正英已經離開咗我哋，我都有呢個責任去做呢件事。諗住可以同惠英紅做對手戲，點知一場戲都冇遇過，真係有緣冇份！」此外，他亦大讚Juno有誠意：「佢比我想像中做得更好，準備工夫做到好足，對每件事都好有要求，佢又好識得尊重每一位演員同工作人員，加上思維上好有創意，好有心思同好有諗法。」

麥浚龍（左）成功邀請陳友回港演出電影《殭屍》。

麥浚龍接受外國傳媒訪問，分享拍攝苦樂。

《殭屍》獲台灣金馬獎三項提名，而入圍最佳新導演的Juno坦言感到興奮，但同時又因演員鮑起靜未能獲提名而感到可惜，他說：「鮑姐用咗好多心機去演，我覺得佢應該有機會入圍！今次我將佢個人物性格顛覆咗，將大家心目中慈祥嘅鮑喜靜變成一個冷血到連小朋友都殺嘅女人！但佢都演得好好、令人有驚喜嘅感覺！」