歌手龍小菌脫罩現「龍顏」後人氣急升，加上為Keep靚樣狂操Fit減肥，故此被不少美容產品商邀做代言人，早前她為美容品牌拍攝廣告時罕有穿上小背心，原來露膊已是她的性感極限：「我減肥後覺得自己嘅膊頭唔靚，因為有好多橙皮紋，今次着背心已經係性感極限，加上自己係老師，唔可以太性感。」她更在拍攝期間下清場令，連經理人兼緋聞男友邵子風亦冇得留低。

龍小菌穿上小背心拍廣告，指是性感極限。

龍小菌

小菌透露有多間瘦身品牌邀她擔任代言人：「但好多都有西藥成分，唔符合我崇尚自然嘅原則。」另外，她的新歌《樂園》是寫給亡父：「我以前好憎佢，因為佢拋棄咗我同媽咪，不過知道佢離世消息後，依家對佢嘅仇恨已變成思念。」