萬聖節將至，樂瞳、周志文、周志康和楊潮凱日前率先體驗主題公園的鬼屋，四名大細路深入陰森恐怖的鬼屋，毫不膽怯，玩得興奮之餘，大孖志文更提議：「如果有人倒吊，咁應該好嚇人。」創意十足！

周志康（前排左起）、樂瞳、周志文和楊潮凱，與爆肌韓星鬼合照，齊齊鬥型鬥Chok！

周志文（左起）、樂瞳、周志康和楊潮凱深入陰森恐怖的鬼屋，樂瞳被嚇到面容扭曲兼大叫！

周志康（左起）、楊潮凱和樂瞳冇有怕，到處搞搞震。

樂瞳（左起）、楊潮凱、周志康和周志文，齊齊試玩南瓜主題的鬼屋。

樂瞳、周志文、周志康和楊潮凱日前在主題公園率先試玩萬聖節鬼屋，面對多個打扮恐怖的惡鬼和驚嚇度極高的鬼屋，他們都冇有怕，更全程High爆，四個大細路玩到樂而忘返。

他們先試玩南瓜主題的鬼屋，內有由美國而來的雕刻大師即場雕刻南瓜，其神級技術令他們目瞪口呆，楊潮凱笑言可以請樂瞳扮南瓜：「用個玻璃笠住個頭喺度扮南瓜！」

自爆以前細膽

另外，以羅蘭為主題的鬼屋擺放各式各樣的古董，四人膽生毛，沒有半點驚嚇之餘，更充滿好奇心，到處搞搞震，事後志康自爆以前很細膽：「我覺得自己大膽咗，前幾年嚟玩我係會嗌到拆天，但依家唔會！」而非常有創意的志文則提議：「有一Part有好多頭髮嗰個好驚，我就諗會唔會有人倒吊，咁應該好嚇人。」

一向有慶祝萬聖節的他們，玩完即大叫會再來，樂瞳說：「想再嚟多次，我之前嚟都會戴帽同眼鏡，應吓節，咁會開心啲！」楊潮凱則慨嘆香港慶祝的地方太少：「我之前去美國Exchange，周街都有人扮，但香港得蘭桂坊，所以去主題公園係最好，地方夠大，唔使同人逼！」