早前專注拍劇的岑潔儀（Zoey）透露，未來最想做主持，而且以鄭裕玲（嘟姐）為目標：「我本身好多嘢講，雖然拍劇都好有成功感，不過做主持嘅時候人人都要聽你講嘢，希望可以做到嘟姐咁。」她表示已做過很多次主持，因此甚有經驗，但仍覺得主持的工作很有挑戰性：「因為好考臨場應變，要轉數好快先得。」

Zoey對時裝節目主持亦甚感興趣。

問到最想做哪類型節目，她坦言想做賽馬節目：「我幾鍾意賽馬，因為好刺激，我哥哥都係做賽馬主持，我結婚之前佢成日都會帶我去馬場識啲馬主同騎師。」她又笑言曾靠哥哥的貼士贏錢：「嗰陣啱啱開季，我哥話有所謂嘅『貼士』，贏咗幾千蚊，之後就一路有玩，不過都係少少咁玩囉！」