組合Super Gear日前穿上背心短褲及比堅尼為新歌《水著》拍攝MV，當日拍足八小時，亦沒有半點疲憊。隊長文紫玲（Ling）透露慘被隊員圍攻，差點走光，她說：「我哋要落水拍攝嗰陣，突然隊員衝埋嚟想扯我件衫。睇番Playback我好似好享受咁，但其實唔係囉！」

隊長文紫玲（右四）自爆與隊友玩樂時因聲浪太大，被導演叫停。

Super Gear穿上背心短褲及比堅尼，為新歌拍攝MV，全程High爆。

Ling坦言因成員眾多，玩樂時因聲浪太大，被導演叫停，她說：「我哋唔使埋位嗰陣，就玩水槍解悶，結果十幾個女仔不停叫，導演話覺得我哋好煩。」今次MV中首次有新成員加入拍攝，問到作為大師姐的Ling有否感到壓力，她說：「冇呀！我哋不嬲都好隨和嘅！」