已婚日模椋名凜（Rin），日前為慶祝老公生日，舉家來港及澳門遊玩。現全職做媽媽的Rin，坦言沒有返港發展之意，她以過來人身份表示，時下o靚模青春無敵，想做就去做！

椋名凜一家四口來港旅行，為老公慶祝生日。

大仔高村哉衣活潑好動，更趴地熊上身，令椋名凜哭笑不得。

椋名凜與老公情深對望，非常恩愛。

日模椋名凜於2010年突然放下香港模特兒事業，返日本奉子成婚。婚後做幸福少奶奶的Rin，已育有一子一女，日前與老公一家四口從日本來港六日，目的是為老公慶祝生日，Rin說：「老公生日，所以我哋嚟香港旅遊六日，順便去埋澳門玩，之後先返日本。」

照顧子女忙碌

數數手指，Rin已婚四年，問到婚後生活如何，她透露大部分時間處於疲累狀態，皆因將全副精神放到子女身上：「每日要照顧小朋友同煮飯，雖然係攰咗啲，不過呢個係做媽媽嘅責任。」

而有子萬事足的她，坦言暫時沒有回港發展的意思：「喺日本我都有做Modeling同拍吓劇。（會唔會返港發展？）唔會啦！如果真係要嘅話，我諗要佢哋大個啲先諗。」

Rin在港發展期間，經常大騷驕人身材，問到有否留意時下o靚模的出位言行，她以「過來人」身份說：「年輕係一件好事，呢啲嘢都係留番畀年輕人去做啦！（點評價佢哋？）其實我之前形象都係比較性感，所以唔敢去評論。」