青雲唔認升呢「男神」

古天樂、劉青雲與李心潔等前晚出席新片《逃出生天》慶功宴，慶祝新片上畫3天錄得逾800萬元票房。對於網友封古仔與青雲為「火海男神」，古仔說：「證明部戲成功，觀眾睇得投入。拍得咁辛苦，成績好都開心！」青雲則笑說：「古仔先係男神，我係火海！（太太郭藹明有冇讚你係男神？）冇，佢讚套戲拍得緊張咋！」問到會否效法好友張家輝喬裝入戲院睇反應，他說：「咁咪仲引人注意？我同古仔咁黑，熄咗燈都睇唔到啦！」此外，談及有藝人寓所被爆竊，居於村屋的青雲表示不擔心，因已做足防盜措施。