鍾欣潼（阿嬌）昨晚與黃秋生及英皇新人思漩一同行紅地氈，她甫見荷里活巨星尼古拉斯基治（Nicolas Cage）即興奮大叫，更想拉秋生合照「集郵」，但秋生面燶燶拋下一句：「吓！有排等o架喎！」阿嬌堅持等候，終成功埋身合照，秋生卻再潑冷水說：「呢啲我唔影喇！」但無損阿嬌興致，其經理人霍汶希更將照片上載至微博公諸同好。

阿嬌與師妹思漩（右）變身小Fans，黐實尼古拉斯合照。

秋生不願與尼古拉斯合照，對前輩劉曉慶（右）卻沒有Say No！

此外，阿嬌全身行頭高達7位數字，秋生受訪時搞笑地問她：「點解我冇嘅？」阿嬌沒好氣回應：「我都係問公司拎o架咋！」對於發福不少，她說：「已經瘦咗o架喇！之前脊椎歪咗，冇得做運動。」而秋生亦幫口力撐：「唔係呀！幾靚呀！肥有福氣呀！太瘦唔好睇！」