無綫小生林峯及花旦陳法拉昨晚獲頒「中國最佳電視男、女演員」，穿Deep V露背晚裝的法拉開心地說：「個獎名都幾大！中國有咁多有才華嘅人！係畀自己一個鼓勵！（拍內地劇？）都想，普通話係我母語，想同陳道明合作。（加價？）唔係首要，最緊要有發揮、好玩。」問到有否信心奪TVB視后？她突然「噢」一聲，又指個個對手都很好。對於日前被指不滿被TVB安排靠邊站而早走，她說：「唔係，我一早講咗有工作。（因為企側邊？）冇唔開心！」她又主動向有線主持要求以廣東話受訪。

林峯受訪時不願多談女友吳千語。

法拉表示獲獎是一個鼓勵。

林峯被問到日前不出席TVB亮燈，反而相約女友吳千語，他解釋當日在TVB工作，但當晚亮燈只邀請台慶劇演員，又拒答與女友是否有過夜。對於得華鼎獎比得無綫視帝更早，他說：「唔同嘅，今年拍內地劇多咗，年底都有兩部。（女友腳頭好？）一直好幸運，多謝大家。（會唔會再上佢屋企呀？）聽日要開工呀！」