張建聲 讚陳奐仁「好咀」

張建聲（Justin）、沈震軒（Sammy）及陳奐仁（Hanjin）因合作拍電影《溝女不離三兄弟》而變得熟落。早前三人受訪時更互送「高帽」，張建聲大讚拍戲時要咀嘴的Hanjin相當「好咀」，而Hanjin又讚張建聲、沈震軒靚仔，而談到大家心目中的女神，張建聲說：「我嘅女神係Elva（倪晨曦），我覺得佢所有嘢都好Sweet，好有女神特質，長髮大眼，之前我同佢拍戲，一Cut機要即刻走開，遲兩秒都會愛上佢！」張建聲提起女神即春風滿面，問到會否跟女神發展下去？他說：「拍完之後都有聯絡，會食飯傾吓偈，佢真係好優雅，每一樣嘢都好慢好靚，見到佢好有Feel，好似有層輕紗喺佢前面咁。」