女藝人李思欣及司儀老公范振鋒（Ricky）經常以夫妻檔接Job，早前在電視廣告雜誌節目中飾演兩公婆，又被睇中孖住到越南擔任活動司儀，不乏搵銀機會，思欣說：「好多客戶都鍾意我哋呢一Pair，我同Ricky當然都唔介意，但又唔一定要黐到實，之前我都一個人拍微電影，想繼續有唔同嘗試。」

李思欣與范振鋒到越南做Spa歎世界。

李思欣與范振鋒到越南做Spa歎世界。

提到遠赴越南公幹，思欣讚大會安排周到，工作之外亦有不少時間與老公歎世界：「我係第一次去越南，覺得啲嘢食好好味，我一日食十餐，仲有時間做Spa，好有度假Feel，可惜呢兩日都落雨，玩唔到水上活動。」