無綫藝員劉思希獲監製王心慰賞識首次拍劇。劇中暗戀蕭正楠的她，現實中沒有暗戀過男仔，並稱擇偶條件要踏實低調、不花言巧語，難怪與林忠豪未能撻着。

一直擔任主持的劉思希，從來沒想過有拍劇機會。

劉思希坦言擇偶條件要踏實低調和孝順家人。

劉思希劇中暗戀蕭正楠，現實中卻未試過暗戀。

劉思希指阮兆祥經常搞爛Gag，開工時氣氛歡樂。

劉思希在無綫一直擔任主持工作，獲監製王心慰賞識首拍劇集《巨輪》，她坦言沒想過能勝任拍劇：「自己口才唔錯、記性好，所以覺得做主持比較適合自己，同埋覺得做戲扮人好難，所以真係從來冇諗過拍劇。直到監製王心慰搵我，試過拍劇之後發現原來自己都做得嚟嘅，仲覺得好好玩，鍾意咗拍劇，呢個角色又似自己，所以出嚟嘅效果比想像中好。」

劇中飾演富家女的劉思希暗戀蕭正楠，但現實中她只有被追求，沒試過暗戀男仔：「自己好被動，一定唔會追男仔。處女座有特定嘅擇偶條件，好似男仔要錫屋企人、實在、低調，唔會鍾意一啲花言巧語嘅男仔。」難怪與傳緋聞的林忠豪未能撻着。

感謝田蕊妮照顧

新劇以港澳為背景，大隊去了澳門一個月拍攝外景，在澳門長大的劉思希就最舒服，在澳門不用住酒店，她說：「爸爸係香港人，媽咪就喺澳門，自己喺澳門長大，收工唔使住酒店，直接返屋企睡覺。」

作為新人的劉思希特別感謝阮兆祥、蕭正楠、田蕊妮照顧，收工大夥兒一齊去打邊爐，拍攝氣氛十分融洽愉快，她說：「今次覺得最神奇係同阿田合作，一向都好鍾意阿田，今次有機會合作已經感覺神奇，估唔到仲可以一齊去打邊爐。」