謝安琪（Kay）在剛推出的同名國語新碟中大玩性感形象，穿上「真空」Deep V裙大晒事業線的她，希望一改男性看女性胴體「色迷迷」的眼光，她說：「如果張相係騷女人身材，我都揀第個甫士或着番啲Push Up啦！其實一個女性唔應該畀人用咁嘅眼光去睇，我都挑戰自己，究竟其他人睇唔睇到我其他嘅美態呢？」

謝安琪希望用歌曲改變男性看女性胴體的目光。

問到會否擔心性感相會令男網民「色心起」？她說：「因為呢個社會真係有人係咁，呢個係值得思考嘅問題，我唔會干預佢哋，因為咁樣就代表咗佢哋係點嘅人。（老公張繼聰投訴？）佢欣賞我嘅美當然唔止咁單層次，我對佢嘅藝術眼光好有信心！」