無綫藝人林秀怡早前與母親到泰國旅行，除了享受當地的陽光與海灘外，還品嘗當地不少美食，收穫豐富！問到何不在沙灘穿比堅尼晒身材時，秀怡說：「我太肥喇，唔敢着比堅尼，同埋我想曬黑啲，因為想上鏡瘦啲！」她大讚泰國的男仔青靚白淨，非常靚仔！問到旅行期間有否艷遇，她說：「冇呀！但啲人成日都以為我係日本人，主動同我講日文，可能因為我單眼皮啦！」

自認肥妹的秀怡即使身在異地，也不敢穿比堅尼曬太陽。

孝順的秀怡與母親暢遊泰國，並齊以車票遮額頭，非常搞笑！

此外，秀怡曾於當地遇到不愉快經歷，更被當地司機「呃錢」，令她大感憤怒：「搭的士嗰陣，明明只係好短嘅路程，但佢竟然兜咗個幾兩個鐘，令我好激氣！」